युवकको डेरामा रेड पाण्डाको छाला
सुनसरीमा रेड पाण्डाको छालासहित तीन जना पक्राउ परेका छन् । धरान उपमहानगरपालिका १५, श्यामचोकबाट उक्त छालासहित उनीहरुलाई प्रहरीले पक्राउ गरेको हो ।
धरानमा डेरा गरी बस्ने मोरङ केराबारी गाउँपालिका ६ का २२ वर्षीय रोजिस राईलगायत तीन जनाले रेड पाण्डाको छाला ओसारपसार गर्ने गरेको जानकारी प्रहरीले प्राप्त गरेको आधारमा हिजो उक्त छाला फेला परेको हो ।
पक्राउ परेका राईको डेरामा लुकाएर राखिएको अवस्थामा रेड पाण्डाको एक थान छाला बरामद भएको हो । प्रहरीका अनुसार उनीहरुमाथि थप अनुसन्धान भइरहेको छ ।
टिप्पणीहरू