रुपन्देहीमा गोली चल्यो, एक जना घाइते

अज्ञात समूहको गोली प्रहारबाट रुपन्देहीको ओमसतियामा एक जना घाइते भएका छन् । गोली लागेर सिद्धार्थनगर नगरपालिका वडा नम्बर १ का विकास गुरुङ घाइते भएको जिल्ला प्रहरी कार्यालय रुपन्देहीले जनाएको छ ।

गोली कसले चलाएको भन्ने अहिलेसम्म पहिचान भई नसकेको र घटनामा संलग्न व्यक्तिको खोजी भइरहेको प्रहरीले बताएको छ ।

प्रहरीका अनुसार गएराती नै जिल्लाको रोहिणी गाउँपालिका–१ बाइपासमा रहेको सिद्धार्थ कटेजमा पेस्तोल देखाएर सुन र नगद लुटपाट भएको र यी दुवै घटनामा संलग्नको समूहको खोजी कार्य भइरहेको छ ।