मोटरसाइकलमा एक झोला गाँजा लिएर हिँडेका राई समातिए

धनकुटामा पाँच किलो गाँजासहित एक युवक पक्राउ परेका छन् । साँगुरीगढी गाउँपालिका-९ का २० वर्षीय सनिल राईलाई गाँजा कारोबारीको आशंकामा प्रहरीले पक्राउ गरेको हो ।

प्रहरी चौकी मुलघाटबाट खटिएको प्रहरी टोलीले चेकिङका क्रममा कालो रङको झोलाभित्र लुकाइराखेको उक्त परिमाणको गाँजा बरामद गरेको प्रहरीले जनाएको छ ।

प्रदेश नम्बर १–०२–०४४ प ३४१६ नम्बरको मोटरसाइकलसहित राईलाइ नियन्त्रणमा लिएर प्रहरीले थप अनुसन्धान गरिरहेको छ ।