प्रदर्शन हिंसात्मक बनेपछि इराकी प्रधानमन्त्री राजीनामा दिने मुडमा

इराकी प्रधानमन्त्री मुस्तफा अल–काधिमीले आन्दोलनका कारण देशमा राजनीतिक जटिलता कायम रहने हो भने राजीनामा दिने बताएका छन् । आन्दोलनकारीले प्रदर्शनलाई हिंसात्मक बनाएसँगै सरकारी मुख्यालयमा प्रवेशसमेत गरेका थिए ।

प्रदर्शनकारीहरूले सरकारी मुख्यालयमा प्रवेश गरेपछि प्रधानमन्त्री अल–काधिमीले अर्को सूचना नभएसम्मका लागि मन्त्रिपरिषद्को बैठक नै स्थगित गरेका छन् ।

सिया मुस्लिम धर्मगुरु मोक्तादाले राजनीति छाड्ने घोषणा गरेसङ्गै इराकमा हिंसात्मक आन्दोलन भड्किएको हो । हिंसामा परी कम्तीमा २३ जना प्रदर्शनकारीको मृत्यु भएको थियो भने अल–सद्रका समर्थकहरूले सुरक्षा बलमाथि गोली र रकेट प्रहार गरेका छन् ।