दोहास्थित नेपाली दूतावास भोलि नखुल्ने

कतारस्थित नेपाली दूतावास भोलि बन्द हुने भएको छ । कतारको राष्ट्रिय खेलकुद दिवसका अवसरमा भोलि दूतावास बन्द हुने जानकारी दिइएको छ । 

दूतावासले आज सूचना जारी गर्दै यसबारे सर्वसाधारणलाई जानकारी गराएको छ । सूचनामा भनिएको छ, ‘कतारको राष्ट्रिय खेलकुद दिवसको अवसरमा मिति २०७९ फागुन २ गते मंगलबार तदनुसार १४ फेब्रुअरी २०२३ का दिन राजदूतावास बन्द रहने व्यहोरा सम्बन्धित सबैलाई जानकारी गराइन्छ ।’

त्यस्तै, पर्सिदेखि दूतावास पूर्ववत् रुपमा खुला रहने छ । कतारले हरेक वर्ष १४ फेब्रुअरीमा ‘नेशनल स्पोट्र्स डे’ मनाउँदै आएको छ । सो दिन कतारभर सार्वजनिक बिदा दिने गरिएको छ । खेलकुद प्रवद्र्धन गर्दै आफ्ना नागरिकलाई व्यायाममातर्फ आकर्षित गर्ने उद्देश्यले कतारले यो दिवस मनाउन थालेको हो ।