काँग्रेसको अभिमूखीकरण कार्यक्रमको छेउमा रामचन्द्र, बीचमा प्रधानमन्त्री

नेपाली काँग्रेसको संयोजन र व्यवस्थापनमा आयोजित राष्ट्रपति निर्वाचन सम्बन्धी अभिमूखीकरण कार्यक्रममा सत्ता गठबन्धनमा समर्थन जनाएका आठ राजनीतिक दलका शीर्ष नेताहरु पुगेका छन् । कार्यक्रम काठमाडौंको तीनकुनेस्थित रोयल ब्याङ्क्वेटमा भइरहेको छ ।

कार्यक्रमको मञ्चमा काँग्रेस सभापति शेरबहादुर देउवा, प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपाललगायतको उपस्थिति छ । छेउमा राष्ट्रपति उम्मेदवार तथा काँग्रेस वरिष्ठ नेता रामचन्द्र पौडेललाई पनि राखिएको छ ।

ती सबै पार्टीका सांसदका लागि आयोजित अभिमुखीकरण कार्यक्रममा सबै दलका शीर्ष नेताले सम्बोधन गर्ने कार्यक्रम राखिएको छ । उनीहरुले गठबन्धनका तर्फबाट राष्ट्रपतिका साझा उम्मेदवार पौडेललाई विजयी गराउन आह्वान गर्ने बताइएको छ ।

राष्ट्रपतिको निर्वाचन फागुन २५ गते राखिएको छ ।