आइएमई पेको ‘होली इभेन्ट टिकटिङ' सुविधा

आइएमई पेले होलीको अवसरमा आफ्ना ग्राहकका लागि विभिन्न इभेन्ट आयोजकसँग आबद्ध भएर ‘होली इभेन्ट टिकटिङ सुविधा’ दिने भएको छ ।

ग्राहकलाई उनीहरुको मित्रजन तथा परिवारसँग होली मनाउन सजिलै टिकट उपलब्ध गराउने उदेश्यका साथ आइएमई पेले यस्तो सुविधा ल्याएको हो । साथै, आइएमई पेबाट तीन फरक–फरक होली इभेन्टको टिकट प्राप्त गर्न सक्ने कम्पनीले जनाएको छ । जसमा कलरेल्लाः अन्नपूर्ण होटल, कलर स्प्ल्यासः द मल्ल होटल, होली फिएस्ता २०२३ः सिदार्थ बुटिक होटल रहेका छन् । 

यी इभेन्टहरु क्रमशः रेडियो नागरिक, मेराकी इन्टरटेनमेन्ट र अर्बन इन्टरटेनमेन्टले आयोजना गरेका हुन् । जसमा आइएमई पेबाट टिकट खरिद गर्दा डोर सेल्सको टिकट मूल्यभन्दा कममा पाइनेछ ।

साथै, टिकट खरिद गर्न आइएमई पे एपको इभेन्ट सेवा उपलब्ध रहेको कम्पनीले जनाएको छ ।