नर्भिकको वार्षिकोत्सव अफर, एक महिनासम्म छुटैछुट

नर्भिक इन्टरनेशनल हस्पिटलले स्थापनाको ३० वर्ष प्रवेश गरेको अवसरमा सेवामा ३० प्रतिशत छुट दिने भएको छ । उत्कृष्ट क्रिटिकल केयर अस्पतालको रुपमा स्थापित नर्भिकले एक सातादेखि एक महिनासम्मका लागि छुट अफर सञ्चालनमा ल्याएको जानकारी दिएको छ । 

वसन्तकुमार चौधरीले बिएलसी होल्डिङ्सको छाताअन्तर्गत मुलुकमा विश्वस्तरीय चिकित्सा सेवा प्रदान गर्न सन् १९९३ मा नर्भिक इन्टरनेशनल हस्पिटल स्थापना गरेका थिए । अहिले अस्पतालले सेवा दिन थालेको तीन दशक पुगेको छ । 

बिहीबार पत्रकार सम्मेलन गर्दै अध्यक्ष राजेन्द्रबहादुर सिंहले उक्त अफर सार्वजनिक गरेका हुन् । अस्पतालका सबै स्वास्थ्य प्याकेजमा बैशाख १ गतेदेखि बैशाख ८ गतेसम्म एक साताका लागि ३० प्रतिशत छुट उपलब्ध हुने छ । 

त्यस्तै, लेजर, हाइड्रा फेसियल, आइभिएफ (फर्टिलिटी प्याकेज), म्यामोग्राफीमा ३० दिनका लागि ३० प्रतिशत छुट सुविधा छ । 

यसैगरी, पत्रकार परिवारका लागि विशेष हेल्थ प्याकेज निकट भविष्यमै ल्याइने अस्पतालले जनाएको छ । नर्भिकले बैशाख महिनामा मात्र ४ वटा स्वास्थ्य शिविर आयोजना गर्ने बताइएको छ ।