आज पनि कोरोना संक्रमितको मृत्यु, १०४ जना थपिए

कोरोना संक्रमणबाट आज पनि एक जनाको ज्यान गएको छ । स्वास्थ्य तथा जनसंख्या मन्त्रालयले पछिल्लो २४ घण्टामा कोरोना भाइरस संक्रमितको विवरण सार्वजनिक गर्दै उक्त मृत्युबारे पुष्टि गरेको हो । 

उक्त अवधिमा १०४ जनामा कोरोना संक्रमण भएको छ । १६ सय ३२ जनाको नमुना परीक्षा गर्दा उक्त संख्यामा संक्रमित भेटिएका हुन् । आज थपिएकासहित हाल सक्रिय संक्रमितको संख्या ३७९ जना पुगेको छ । 

तीमध्ये तीन जनाको भेन्टिलेन्टर, सात जना आईसीयु र ३४ जनाको आईसोलेसनमा उपचार भइरहेको छ । पछिल्लो २४ घण्टामा ६० जना निकोसमेत भएका छन् ।