राष्ट्रपतिलाई विमानस्थल पुर्याइयो

हिजो शिक्षण अस्पताल महाराजगञ्जमा भर्ना हुनुभएका राष्ट्रपति रामचन्द्र पौडेललाई भारत लैजाने क्रममा त्रिभुवन अन्तर्राष्ट्रिय विमानस्थल पुर्याइएको छ । अस्पतालबाट उहाँलाई एम्बुलेन्समा विमानस्थल लगिएको बताइएको छ ।

उहाँलाई अबको केही बेरमा श्री एयरलाइन्सको चार्टर उडानमा नयाँ दिल्ली लैजाने तयारी भएको विमानस्थल स्रोतले बताएको छ । 

छातीको संक्रमण र पिसाब पोलेपछि उहाँ हिजो भर्ना हुनुभएको हो । राष्ट्रपतिमा नियुक्त हुनुभएको झण्डै डेढ महिनाको बीचमा उहाँ अस्वस्थ भएपछि दुई पटक अस्पताल भर्ना हुनुभयो भने नियमित रपमा चिकित्सकको निगरानीमा हुनुहुन्थ्यो ।