कोरोनाका कारण आज पनि एक जना बिते

बितेको २४ घण्टामा कोरोना भाइरसको संक्रमणबाट थप एक जनाको निधन भएको छ । 

स्वास्थ्य तथा जनसंख्या मन्त्रालयले एक जना संक्रमितको मृत्यु भएको जानकारी दिएको हो । उक्त अवधिमा १०६ जनामा कोरोना संक्रमण पुष्टि भएको मन्त्रालयले सार्वजनिक गरेको विवरणमा उल्लेख छ ।

१८ सय ८३ जनाको नमूना परीक्षण गर्दा सो संख्यमा संक्रमित भेटिएका हुन् । आज थपिएकासहित हाल सक्रिय संक्रमितको संख्या ४१४ पुगेको छ । 

मन्त्रालयको विवरणमा संक्रमितमध्ये ३ जना भेन्टिलेटर, ७ जना आईसीयु र २५ जनाको आईसोलेसनमा उपचार भइरहेको छ । पछिल्लो २४ घण्टामा ४६ जना निकोसमेत भएका छन् ।