राजदूत भेटेलगत्तै मन्त्री विदेशतिर,सचिव र चिनियाँ राजदूतबीच भलाकुसारी

परराष्ट्रमन्त्री एनपी साउद विदेश उड्नुभएको छ । उहाँ हिजो दिउँसो सवा १ बजे विमान बंगलादेशको उडानमा राजधानी ढाका जानुभएको बताइएको छ । 

मन्त्री चार सदस्यीय प्रतिनिधिमण्डलको नेतृत्व गर्दै त्यसतर्फ जानुभएको हो । उहाँ अघिल्लो साता बेलायती राजा चार्ल्स तृतीयको राज्याभिषेकमा भाग लिन लण्डन जानुभएको थियो ।

बंगलादेश उड्नुअघि मन्त्रालयमा मन्त्री साउदसँग नेपालका लागि दक्षिण कोरियाका राजदूत पार्क योङ सिकले भेटवार्ता गर्नुभएको थियो । 

हिजै परराष्ट्र मन्त्रालयमा सचिव भरतराज पौडेलसँग नेपालका लागि चिनियाँ राजदूत छन् सोङले शिष्टाचार भेटवार्ता गर्नुभएको छ ।