मानसिक स्वास्थ्य उपचार केन्द्र बनाउन जापान सरकारले गप्यो आर्थिक सहयोग

जापान सरकारले नेपाललाई मानसिक स्वास्थ्य उपचार केन्द्र भवन निर्माणका लागि आर्थिक सहयोग गरेको छ । नेपालका लागि जापानका राजदूत किकुता युताकाले सो आर्थिक सहयोग गरेका हुन् । 

नेपाल भ्रमणमा आएका उनले काठमाडौंमा मानसिक स्वास्थ्य उपचार केन्द्र भवन निर्माणका लागि परियोजना कोशिशद्धारा दुई लाख ९६ हजार ८५६ अमेरिकी डलर अनुदान दिएका हुन् । 

ग्रासरुट ह्युमनका लागि अनुदान सहायताअन्तर्गत जापान सरकारको सुरक्षा परियोजनामध्ये यो अनुदानको सबैभन्दा ठूलो रकम हो । 

राजदूत किकुटाले यस परियोजनाबाट उच्च गुणस्तरसहितको चिकित्सीय सेवा उपलब्ध गराउन सहयोग पुग्ने बताउँदै खुशी व्यक्त गरे । 

उनले मानसिक स्वास्थ्य समस्याबाट पीडित बिरामीले आफ्नो स्वतन्त्र जीवन पुनः सुरु गर्न समक्ष हुने विश्वास लिएको समेत बताए । 

सन् २००८ मा स्थापना भएको कोशिश एक गैरसरकारी संस्था हो । मानसिक स्वास्थ्य समस्या भएका मानिसलाई आत्मसम्मान र स्वतन्त्र रुपमा बाँच्न समक्ष बनाउन यसले महत्त्वपूर्ण योगदान दिँदै आएको छ ।