नेपालको खेल भूकम्प पीडितमा समर्पित, खेलाडीहरु कालोपट्टी बाँधेर मैदानमा
आईसीसी टी–२० विश्वकप एसिया क्षेत्र छनोटको फाइनलअन्तर्गत ओमानविरुद्ध अहिले जारी खेलमा नेपाली खेलाडीले कालोपट्टी बाँधेर खेलेका छन् ।
जाजरकोट र रुकुम पश्चिममा भूकम्पमा ज्यान गुमाएका तथा घाइते भएकाहरुको सम्झनामा खेलाडीहरु कालोपट्टी बाँधेर मैदानमा उत्रिएका हुन् । खेलाडीहरुले मौनधारण पनि गरेका छन् ।
कप्तान रोहित पौडेलले फाइनल खेल भूकम्प पीडितहरुप्रति समर्पित हुने बताए ।
शुक्रबार राति जाजरकोट केन्द्र बनाएर गएको भूकम्पमा परी १५७ जनाको मृत्यु भएको छ भने ठूलो संख्यामा घाइते भएका छन् । नेपाल क्रिकेट संघ (क्यान)ले आजको खेलमा टिकट बिक्रीबाट उठेको आधा रकम पीडितहरुलाई दिने घोषणा गरेको छ ।
ट्रेन्डिङ पोस्ट
टिप्पणीहरू