राप्रपाको चियापानमा प्रधानमन्त्रीदेखि शीर्ष नेताहरु सहभागी (फोटोहरु)
पृथ्वी जयन्तीको अवसरमा राष्ट्रिय प्रजातन्त्र पार्टी (राप्रपा)ले आयोजना गरेको चियापान कार्यक्रममा प्रधानमन्त्रीदेखि विभिन्न पार्टीका शीर्ष नेताहरु सहभागी भएका छन् ।
आज दिउँसो भृकुटीमण्डपमा आयोजित चियापान समारोहमा प्रधानमन्त्री पुष्पकमल दाहाल प्रचण्ड, सभामुख देवराज घिमिरे, उपसभामुख इन्दिरा रानाले सहभागिता जनाए । त्यस्तै, नेपाली कांग्रेसका सभापति एंव पूर्वप्रधानमन्त्री शेरबहादुर देउवा, नेकपा एमालेका अध्यक्ष तथा पूर्वप्रधानमन्त्री केपी शर्मा ओली, राष्ट्रिय स्वतन्त्र पार्टी (रास्वपा)का सभापति रवि लामिछाने पनि चियापानमा सरिक भए ।
मन्त्रीहरु, कूटनीतिक नियोगका प्रमुख तथा प्रतिनिधि, सरकारी कर्मचारी, राप्रपा कार्यकर्तालगायतको कार्यक्रममा उपस्थिति थियो । आगन्तुक पाहुनालाई राप्रपा अध्यक्ष राजेन्द्र लिङ्देनलगायतका नेताहरुले मञ्चमा स्वागत गरेका थिए ।
राप्रपाले हरेक वर्ष विविध कार्यक्रम गरेर पृथ्वीजयन्ती मनाउँदै आएको छ ।
ट्रेन्डिङ पोस्ट
टिप्पणीहरू