विद्यालय भर्ना अभियान २०८१ प्रारम्भ

आजदेखि विद्यालय भर्ना अभियान शैक्षिक सत्र २०८१ का शुरु भएको छ । प्रधानमन्त्री पुष्पकमल दाहाल प्रचण्डले विद्यालय जाने उमेरका बालबालिकाहरुलाई भर्ना गरेर नियमित विद्यालय पठाउन अनुरोध गर्नुभएको छ । 

यस वर्षको भर्ना अभियानमा ‘सबै बालबालिकाको विद्यालयमा सहभागिता, गुणस्तरीय शिक्षाप्राप्तिको सुनिश्चितता’ भन्ने संकल्प तय गरिएको छ । प्रधानमन्त्री दाहालले आज जारी गर्नुभएको विज्ञप्तिमा बालबालिकालाई नियमित विद्यालय पठाउन अनुरोध गर्नुभएको छ ।

सरकारले सार्वजनिक विद्यालयका विद्यार्थीलाई निःशुल्क पाठ्यपुस्तक, दिवा खाजा, छात्रवृत्ति उपलब्ध गराउँदै आएको छ । राज्यले उपयुक्त शैक्षिक पूर्वाधार र विद्यालयमा दक्ष जनशक्तिको व्यवस्थापनमा विशेष जोड दिँदै आएको प्रधानमन्त्रीको भनाइ छ ।