विदेश गएका आईजीपीको स्वदेश आगमन
नेपाल प्रहरीका महानिरीक्षक बसन्तबहादुर कुँवर स्वदेश फर्केका छन् । तीन सदस्यीय टोलीसहित वैशाख १० गते फ्रान्स गएका उनी कतार एअरवेजको उडान नम्बर क्युआर ६५२ मा बिहान साढे ९ बजे काठमाडौं आइपुगेका हुन् ।
कुँवर नेतृत्वको टोली दोहा हुँदै उता गएकोमा सोही रुट हुँदै आएको हो ।
महानिरीक्षक कुँवरले फ्रान्सको लियोन शहरमा आयोजित हेड्स अफ एनसीबी कन्फरेन्समा भाग लिएका हुन् । उनलाई निमित्त प्रहरी महानिरीक्षक टेकप्रसाद राईलगायतले त्रिभुवन अन्तर्राष्ट्रिय विमानस्थलमा स्वागत गरेको बताइएको छ ।
टिप्पणीहरू