सिरोहियालाई अदालत लगियो, एक दर्जन वकिलले बहस गर्ने

नागरिकता 'किर्ते' प्रकरणमा पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई दोस्रो पटक म्याद थपका लागि धनुषा जिल्ला अदालतमा लगिएको छ ।

मंगलबार थापाथलीस्थित कान्तिपुर कार्यालयबाट पक्राउ परेका सिरोहियालाई अदालतले आजसम्म दिएको तीन दिनको म्याद सकिएको छ । अनुसन्धान नसकिएपछि जिल्ला सरकारी वकिल कार्यालयले पुन: पाँच दिन म्याद थपको अनुमति मागेको हो  

अदालत लैजानुअघि आज बिहान सरकारी वकिल कार्यालयमा सिरोहियासँग तीन घण्टा बयान लिइएको थियो । आज अदालतले म्याद थप्न अस्वीकार गरे उनी रिहा हुनेछन् । 

यता, सिरोहियाको पक्षमा बहस गर्न बरिष्ठ अधिवक्ताहरु शम्भु थापा, चुमान किशोर लामा, विनोद शर्मा, रमण श्रेष्ठ, शेरबहादुर केसी, टीकाराम भट्टराई, गोविन्द बन्दी जनकपुर पुगेका छन् । त्यस्तै, अधिवक्ताहरु रमण कर्ण, दीपेन्द्र झा, सुदिप कोइराला, किशोर पौडेल र रवि नायकले पनि उनको पक्षमा बहस गर्नेछन् ।