सशस्त्र प्रहरीका हाकिम २४ घण्टामै सरुवा

सशस्त्र प्रहरी हेडक्वार्टरले शुक्रबार रूपन्देहीको २७ नम्बर गणका डिएसपी विश्वराम पाण्डेलाई २४ घण्टाभित्रै झापामा हाजिर हुन जानेगरी बाटो तताउन आदेश दिएको छ ।

पाण्डेले आचरणविपरीत उठ्तीपुठ्तीको दह्रो मोर्चा खोलेर गणपति एसपी आनन्द थापालाई समेत साथ दिएको आरोपमा काज सरुवा गरिएको दाबी स्रोतको छ । थापा केही साताअघि मात्रै सो गणमा सरुवा भई गएका हुन् । पाण्डेलाई कमल तिम्सिनाको कमाण्डमा रहेको तालिम केन्द्रको सहायक बनाइएको छ । 

पाण्डे यसअघि इन्स्पेक्टर हुँदा डण्डा र २ वर्ष भैरहवा एयरपोर्ट तलतिर मजगावाँमा पनि बसेका थिए । त्यसो त गणपति थापा पनि डिएसपी हुँदा निलम्बनमा परेर फुकुवा भई बढुवा भएका हुन् । 

कोशी प्रदेशमा अञ्जनी पोखरेल र मधेश प्रदेशमा दिपेन्द्र शाह डिआइजी हुँदा सीमा क्षेत्रमा निकै कडिकडाउ हुन्थ्यो । तर अहिले भने केही होलो खुकुलो भएको बताइन्छ । अहिले कोशीमा शम्भु सुवेदी छन् । सुवेदीले बोर्डर आउट पोस्ट (बिओपी) भन्टाबारीका कार्यरत इन्स्पेक्टर गणेश खड्कालाई पिए बनाएका छन् ।

(साभार:जनआस्था साप्ताहिकबाट)