जाडोबाट जोगिन दाउराको जोहो

डरलाग्दो भोकमरीको सामना गरिरहेका अफगानिस्तानका नागरिक जाडोको समस्यामा परेका छन् । चिसो बढेसँगै अहिले बहुसंख्यक अफगानीहरू घर न्यानो बनाउन दाउराको खोजीमा जुटिरहेका छन् ।  

यद्यपि बढ्दो मूल्यका कारण धेरैलाई यो आवश्यकता पूरा गर्न कठिनाई भएको सिन्हाले जनाएको छ । ५६० किलो दाउराको मूल्य यसवर्ष १४ हजारदेखि १५ हजार अफगानी (लगभग २०६ देखि २२१ अमेरिकी डलर) रहेको छ । जबकि गत वर्ष ७ हजार देखि ८ हजार अफगानी (लगभग १०३ देखि ११८ अमेरिकी डलर) थियो । 

भारी मूल्य वृद्धिका कारण दाउराको बिक्री घटेको पसलेहरूको चिन्ता छ । विगतका वर्षहरूमा ८ हजार ४ सय केजीसम्म दाउरा बेच्ने गरेका एक पसलेले यस वर्ष आधा पनि बिक्री नभएको गुनासो गरे ।