दुर्गा प्रसाईंलाई थुन्ने म्याद फेरि थप

प्रधानमन्त्री केपी शर्मा ओलीविरुद्ध जथाभावी बोलेको आरोपमा समातिएका मेडिकल व्यवसायी दुर्गा प्रसाईं कम्तिमा थप तीन दिन थुनिने भएका छन् । 

काठमाडौँ जिल्ला अदालतले प्रसाईंलाई तीन दिन हिरासतमा राखेर अनुसन्धान गर्न प्रहरीलाई अनुमति दिएको हो । आफूलाई व्यवस्थाविरोधी अभियन्ता भनाउने उनी मंसिर ४ गते पक्राउ परेका थिए । 

प्रधानमन्त्री ओलीले कम्बोडियाको टेलिकम कम्पनीमा ३२ अर्ब लगानी गरेको 'फेक डकुमेन्ट' सार्वजनिक गरेको आरोप लागेका उनीविरुद्ध विद्युतीय कारोबार, मानहानी, किर्ते र  सम्पति शुद्धीकरण कसुरमा अनुसन्धान भइरहेको छ ।