‘मेयर सम्मेलन’ गर्दै परशुराम
डडेल्धुराको परशुराम नगरपालिकाले ‘मेयर सम्मेलन’ गर्ने भएको छ । सुदूरपश्चिमको विकास प्राथमिकता, सम्भावना, अवसर र चुनौतीको विषयमा छलफल गर्ने उद्देश्यले नगरपालिकाले पहिलोपटक ‘मेयर सम्मेलन’ गर्न लागेको हो ।
पुस १६ गतेदेखि सम्मेलन शुरु हुने नगरपालिकाका प्रवक्ता खगेन्द्रबहादुर सिंहले बताए । उनका अनुसार सुदूरपश्चिमका सबै स्थानीय पालिकाका मेयरहरु सम्मेलनमा उपस्थित हुनेछन् ।
‘नगरपालिकाले पहिलोपटक मेयर सम्मेलन गर्न लागेको हो । पुस १६ गतेदेखि यही परशुराममा सम्मेलन हुन्छ । सम्मेलनका लागि सुदूरपश्चिमका सबै पालिकाका मेयरलाई निमन्त्रणा गरिएको छ । सम्मेलनको एजेण्डा विकासका नवीन आयाममाथि छलफल गर्नु, परशुरामको प्रचार गर्नु हो’,उनले भने ।
टिप्पणीहरू