सिचाङका भूकम्पपीडितको जोडतोडका साथ प्रारम्भिक पुनर्स्थापना (फोटो तथा भिडियो)

चीनको सिचाङ, टिंग्री काउण्टीका भूकम्पपीडितहरुको उद्धारपछि प्रारम्भिक पुनर्स्थापना को काम जोडतोडका साथ भइरहेको छ । मंगलबार बिहान गएको ६.८ रेक्टर स्केलको भूकम्पमा १२६ जनाको मृत्यु भएको छ भने १८८ जना घाइते छन् ।

प्रभावितहरुको उद्धारपछि चिनियाँ जनमुक्ति सेना, सरकारी अधिकारी, रेडक्रसका कर्मचारीहरु उनीहरुको प्रारम्भिक पुनस्र्थापनामा जुटेका हुन् । विमान, सडक मार्ग, ड्रोनबाट अत्यावश्यक सामाग्री पुर्याइएको छ ।

उनीहरुको आवश्यकता अनुसार स्वास्थ्यपरीक्षण, खानपिन र बासस्थानको सबै व्यवस्था मिलाइसकिएको प्राप्त समाचारमा उल्लेख छ । चीनको अर्थ मन्त्रालयले भूकम्पले कृषि क्षेत्रमा पुर्याएको क्षतिबाट स्थानीय जनतालाई राहत दिन आठ करोड युआन छुट्याएको सिन्हवा समाचार समितिले जनाएको छ । 

यसबीच ल्हासामा रहेको नेपाली समुदायबाट संकलित ३७ लाख १७ हजार ५३० रुपैयाँ ल्हासा रेडक्रसलाई हस्तान्तरण गरिएको छ । ल्हासामा रहेका नेपालीहरुको संस्था नेपाली दुःख निवारण कल्याणकोषले त्यहाँस्थित नेपाली महावाणिज्यदूतावासको सहजीकरणमा उक्त रकम संकल गरेको हो ।

स्रोत : चिनियाँ दूतावास, काठमाडौं ।