कुरा स्वास्थ्यको,राजीनामाको कारण पेलानको

त्रिभुवन विश्वविद्यालयका उपकुलपति प्रा.डा केशरजंग बरालले राजीनामा दिएका छन् । प्रधानमन्त्री तथा मन्त्रिपरिषद्को कार्यालयमा बुझाइएको राजीनामा पत्रमा स्वास्थ्य समस्यालाई कारण देखाइएको  छ ।

तर,यसअघि प्रचण्ड नेतृत्वको सरकारद्वारा नियुक्त उनले राजनीतिक दबाब, विश्वविद्यालयका करार, आंशिक शिक्षक,कर्मचारीको आन्दोलन र माग पूरा गर्न नसकेपछि राजीनामा दिएको स्रोतको दावी छ ।

यसबीच विद्यार्थी संगठनहरुले निरन्तर आन्दोलन,धर्ना,जुलुस, तोड्फोड,तालाबन्दीका साथै प्रध्यापक तथा कर्मचारीहरुले स्थायीको माग राखेका थिए । ती माग पूरा गर्न र महिनौंदेखि प्रशासन सञ्चालनमा सरकारबाट सहयोग प्राप्त नभएपछि उपकुलपतिले राजीनामा दिएका हुन् ।

बरालको नीति तथा कार्यक्रम प्रस्तुत गर्न प्रधानमन्त्रीले अवरोध पुर्याउनुभएको आरोप छ ।