अधिवेशन अन्त्यअघि डाकिएको संसद बैठक डेढ घण्टा ढिलो

संघीय संसदको हिउँदे अधिवेशन मध्यरातदेखि अन्त्य हुने भएको छ । राष्ट्रपति रामचन्द्र पौडेलले भरे राति १२ बजेदेखि लागू हुने गरी दुवै सदनको अधिवेशन अन्त्य गर्नुभएको छ । 

राष्ट्रपति कार्यालयद्वारा जारी विज्ञप्तिमा नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को सिफारिसमा संघीय संसदको दुवै सदनको चालु अधिवेशन राति १२ बजेदेखि अन्त्य गरिएको उल्लेख छ । संसदको हिउँदे अधिवेशन गत माघ १८ गतेबाट शुरु भएको थियो।

आज बिहान ११ बजे डाकिएको संसद बैठक साढे १२ बजे मात्रै शुरु भएको छ । भरेदेखि अन्त्य हुने संसदमा आज नौ वटा कार्यसूची तोकिएको छ ।