अस्पताल नपुग्दै नेपाली कांग्रेसका एक नेताको अवसान

बाग्लुङ्ग जिल्लाको काँठेखोला नगरपालिका,बिहुँकोटमा जन्मेका नेपाली कांग्रेसका बयोबृध्द नेता गोविन्द कंडेलको हिजो बिहान निधन भएको छ। उहाँ मुटु रोगबाट पीडित हुनुहुन्थ्यो ।

करिव चौध महिना अगाडि पत्नी वियोग सहन गरेका ८६ बर्षीय गोविन्द कंडेल चितवनको रत्ननगर,टाँडीस्थित छोरी राधिका मिश्रको घरबाट काठमाडौँ जान हिंड्नुभएको थियो । त्यही अवस्थामा मुटुको दुखाई सहन नसकेर अचानक ढल्नुभयो । सोही अवस्थामा अस्पताल लैजाँदै गर्दा बाटोमा मृत्यु भएको पारिवारिक सूत्रबाट बुझिन आएको छ ।  

राजा महेन्द्रले 'कू' गर्दा अर्थात विसं २०१७ साल पुस १ गते तात्कालिन विकास बोर्ड बाग्लुङ्गका सदस्य गोविन्द कंडेल बाग्लुङ्ग,बिहुँको घरमै नजरबन्द हुनुभएको थियो। 

विसं २०४८ सालको चुनावमा बाग्लुङ्ग एक नम्बरबाट चुनाव जिती सांसद बन्नुभयो । उहाँ पटक पटक गरी करिव आठ वर्ष भन्दा बढी जेल बस्नुभयो ।