टेकुमा पनि एकाबिहानै बिरोध, फोहोर बोकेका गाडी अलपत्र

काठमाडौं महानगरपालिकाले अस्थायी रुपमा फोहोर फाल्दै आएको टेकुको फोहोर संकलन केन्द्रमा पनि आज बिहान अवरोध भएको छ । स्थानीयले अन्यत्रको फोहोरसमेत टेकुमा थुपार्न थालेकाले सो क्षेत्र थप दुर्गन्धित भएको भन्दै फोहोर संकलन केन्द्रको मुख्यद्वारमा अवरोध गरेका हुन् ।

बिहानैदेखि एक दर्जनभन्दा बढी स्थानीयले फोहोर फाल्न पाईंदैन भन्दै नाराबाजी गरेको बताइएको छ । उनीहरुले ठाउँ ठाउँमा पम्प्लेट समेत टाँसेर बिरोध गरेका छन् । स्थानीयको अवरोधका कारण शहरबाट फोहोर संकलन गरेर ल्याएका ४० भन्दा बढी सवारी साधन केन्द्र बाहिर रोकिएका छन् ।