कक्षा १२ को परीक्षा भदौ ३० गतेदेखि

राष्ट्रिय परीक्षा बोर्ड परीक्षा नियन्त्रण कार्यालय, सानोठिमीले कक्षा १२ को परीक्षा भदौ ३० गतेदेखि सञ्चालन गर्ने भएको छ । यसअघि स्थागित गरिएको कक्षा १२ को परीक्षा भौतिक उपस्थितिमा गर्न हुन लागेको हो ।

यसअघि साउन ३१ गतेबाट गर्ने भनिएको परीक्षा कोरोना महामारीको कारण देखाउँदै स्थगित गरिएको थियो । बोर्डले परीक्षा भदौ ३० देखि असोज ८ गतेसम्म हुने जनाउँदै आज परीक्षा तालिका सार्वजनिक गरेको हो । परीक्षा बिहान ११ बजेदेखि दिउँसो २ बजेसम्म हुनेछ ।

स्वास्थ्य मन्त्रालय, शिक्षा मन्त्रालय र कोभिड–१९ संकट व्यवस्थापन केन्द्रको सहमतिमा परीक्षा सञ्चालन गर्ने निर्णय भएको बताइएको छ ।