खनालको निर्वाचन क्षेत्रका दुई पालिका प्रमुखसहित ५६ जना जनप्रतिनिधि एकीकृत समाजवादी

झलनाथ खनालको निर्वाचन क्षेत्रमा पर्ने सूर्योदय नगरपालिकाका प्रमुख रणबहादुर राई र माइजोगमाई गाउँपालिकाका अध्यक्ष जीतबहादुर राईसहित जिल्लाका ५६ जना स्थानीय तहका जनप्रतिनिधिले नेकपा एकीकृत समाजवादीको पक्षमा सनाखत गरेका छन् ।

सूर्योदय नगरपालिकामा एमालेबाट निर्वाचित उपप्रमुख र एक जना वडाध्यक्ष बाहेकका ४३ जनाले समाजवादीमा रहने गरी सनाखत गरेका छन् । देउमार्ई नगरपालिकाका एक जना वडा सदस्य हेम लिम्बू र इलाम नगरपालिका, माङसेबुङका एक सदस्य समेत खनाखत गर्ने ५६ जना रहेको बताइएको छ ।

सनाखत गर्नेहरुको पूर्ण विवरण भने आइसकेको छैन । यसअघि नै प्रदेश सांसद खिनु लङ्वाले समाजवादीमा रहने गरी हस्ताक्षर गरिसकेकी छन् ।