सामान्य अवरोधका बीच माथि दल विभाजनसम्बन्धी अध्यादेश पेश

प्रमुख प्रतिपक्ष दल नेकपा एमालेको हल्का अवरोधका बीच राष्ट्रियसभा बैठकमा राजनीतिक दल बिभाजनलाई सहज बनाउनेसम्बन्धी अध्यादेश पेश गरिएको छ ।

सरकारले हालै ल्याएको राजनीतिक दलसम्बन्धी (दोस्रो संशोधन) अध्यादेश – २०७८ गृहमन्त्री बालकृष्ण खाँडले पेश गर्नुभएको हो ।बुधबारदेखि शुरु भएको दुवै सदनका बैठक एमालेले अवरुद्ध गर्दै आएको छ । आज बैठक शुरु हुनासाथ एमालेका सांसदहरुले उठेर नाराबाजी गरेका थिए ।

एमाले सांसदहरुको अवरोधकाबीच गृहमन्त्री खाँणले अध्यादेश पेश गर्नुभएको हो । अध्यादेश टेबल भए पनि यसमाथिको छलफल भने बाँकी छ । अध्यादेश पास गर्ने कि खारेज गर्ने भन्नेबारे अर्को बैठकमा छलफल हुने बताइएको छ ।

राष्ट्रियसभाको अर्को बैठक आगामी भदौ २८ गते सोमबार दिउँसो १ बजेका लागि बोलाइएको छ ।