खैरो हिरोइनसहित युवक पक्राउ

प्रहरीले झापाको बिर्तामोड नगरपालिका ५ पञ्चकन्या चौकबाट लागूऔषध ब्राउन सुगर सहित एक जनालाई पक्राउ गरेको छ । पक्राउ पर्नेमा सोही स्थानका २४ बर्षीय सुनिल लिम्बु रहेका छन् । उनलाई हिजो बेलुका ६ बजे ब्राउन सुगर २९ ग्राम, नगद दुई हजार र मोबाईल थान-२ सहित पक्राउ गरिएको हो । पक्राउ परेका लिम्बुविरुद्ध ईलाका प्रहरी कार्यालय अनारमनीले थप अनुसन्धान अघि बढाएको जनाएको छ ।