खैरो हेरोइनसहित दुई जना समातिए

कैलालीमा खैरो हेरोइनसहित प्रहरीले दुई जनालाई समातेको छ । धनगढी उपमहानगरपालिका-३ मिलन चोकबाट हिजो करिब २ सय १० मिलिग्राम खैरो हेरोइनसहित उनीहरुलाई प्रहरीले समातेको हो ।

पक्राउ पर्नेमा कन्चनपुरको भिमदत्त नगरपालिका-४ का २१ वर्षीया नेहा विष्ट र भारत खटिमा उत्तमसिंह नगरका २७ वर्षीय बाशुदेव विश्वास रहेका छन् ।

जिल्ला प्रहरी कार्यालय कैलालीबाट खटिएको प्रहरीले उक्त लागूऔषधसहित उनीहरुलाई पक्राउ गरी थप अनुसन्धान गरिरहेको छ ।