दृष्टि साप्ताहिक बसेको घरमा बैंकको एटिएम तोडफोड

एनआईसी एशिया बैंकको एटिएम फोरेर पैसा चोर्ने एक जना रंगेहात समातिएका छन् । गएराति नक्साल भगवतिबहालस्थित दृष्टि साप्ताहिकको कार्यालयसमेत अवस्थित सगरमाथा इन्स्योरेन्स भवनमा रहेको बैंकको एटिएम फोर्दाफोर्दा एक युवालाई प्रहरीले समातेको हो ।

पक्राउ पर्नेमा सानोगौचरण बस्ने काभ्रेको धुलिखेल नगरपालिका-७ घर भएका २१ वर्षीय आकाश तामाङ्ग रहेका छन् ।

प्रहरीका अनुसार उनको साथबाट एटिएम फोर्न प्रयोग गर्ने औजार पनि बरामद भएको छ । उनलाई महानगरीय प्रहरी वृत्त मालिगाउँबाट खटिएको प्रहरीले नियन्त्रणमा लिई थप अनुसन्धान गरिरहेको छ ।