अटोमेटिक पेस्तोल बोक्ने दुई जना समातिए

जनकपुरमा अटोमेटिक पेस्तोलसहित प्रहरीले दुई जनालाई पक्रेको छ । पक्राउ पर्नेमा महोत्तरीको जलेश्वर नगरपालिका–९ घर भई हाल जनकपुरधाम बस्ने ३० वर्षीय इन्द्रेशकुमार सिंह र महोत्तरीको मनरासिसवा नगरपालिका–१ घर भई जनकपुरधाम बस्ने १९ वर्षीय लोटस भन्ने अभिषेककुमार सिंह हुन् ।

उनीहरु मोटरसाइकलमा प्रादेशिक अस्पतालतर्फ जाँदै गर्दा प्रहरी टोलीले सिंहको साथबाट एक थान अटोमेटिक पेस्तोल बरामद गरेको हो । जिल्ला प्रहरी कार्यालय धनुषाका अनुसार दुबै जनामाथि हातहतियार खरखजनाअन्तर्गत मुद्दाको तयार गरिएको छ ।