मध्यरातमा एकै घरका ३ जनामाथि चक्कु प्रहार,

अछाममा गएराति भएको चक्कु प्रहारबाट एकै घरका तीन जनासहित चार जना घाइते भएका छन् । चक्कु प्रहारबाट सिकिस्त भएका दुई जनालाई जिल्ला अस्पताल लगिएको छ ।

बिहे भोजको विषयमा विवाद उत्पन्न भएपछि भएको उक्त घटनामाढकारी गाउँपालिका–३, चोइटीखालीका मानबहादुर बुढा, हिक्मतबहादुर बुढा, तुलसी बुढा र खगेन्द्र बुढा घाइते भएका हुन् ।

मानबहादुर र हिक्मतको अछाम अस्पतालमा र तुलसी र खगेन्द्रको स्थानीय स्वास्थ्य चौकीमा उपचार भएको हो । मानबहादुर जनज्योति प्राथमिक विद्यालयका प्रधानाध्पाक हुन । हिक्मत र तुलसी एकैघरका दाजु र बहिनी हुन् ।

घटनामा संलग्न भएको आरोपमा ढकारी गाउँपालिका–१ निवासी तपेन्द्र बुढालाई प्रहरीले नियन्त्रणमा लिएको छ । फरार अन्य व्यक्तिको खोजी र घटनाको अनुसन्धान भइरहेको अछाम प्रहरीले जानकारी दिएको छ ।