अपहरण अभियोगमा ५ जना पक्राउ

एक युवाको अपहरण गरेको अभियोगमा पाँच जना समातिएका छन् । काठमाडौंको सिनामंगलबाट युवकलाई अपहरण गरेको भन्दै प्रहरीले भक्तपुरका पाँच जना युवालाई पक्रेको हो । पक्राउ पर्नेमा निरज केसी, सौजन्य सिंह, सञ्जन ओली, आशिष कोजु र सन्तोष न्यौपाने हुन् । उनीहरुलाई महानगरीय प्रहरी परिसर गौशालाको टोलीले हिजो बेलुकी ८ बजे समातेको हो ।

बा. १६ च ४७७३ नम्बरको स्कोर्पियो जिपमा सिराहाका पवनकुमार यादवलाई अपहरण गरेको भन्ने सुराकीका आधारमा ट्राफिक प्रहरी समेतको सहयोगमा उनीहरुलाई पक्राउ गरिएको महानगरीय प्रहरी परिसर काठमाडौंका प्रवक्ता दिनेशराज मैनालीले जानकारी दिनुभयो ।

पक्राउ परेका सबैलाई आज अदालतमा उभ्याइएको पठाइएको थियो । ‘अदालतमा उनीहरुमाथि के मुद्दा चलाइयो भन्नेबारे भने अझै विस्तृत जानकारी आएको छैन,’ मैनालीले भन्नुभयो । कार्यालयमा बिजुली अभावका कारण आफू अपडेट हुन नसकेको उहाँको भनाइ छ ।