मध्यराती उम्मेदवारमाथि खुकुरी प्रहार

भोजपुरमा एक उम्मेदवारमाथि खुकुरी प्रहार भएको छ । गएराति १० बजे षडानन्द नगरपालिका–१० साङपाङका वडा सदस्यका उम्मेदवार अमिता तामाङमाथि अपरिचित व्यक्तिले खुकुरी प्रहार गरेको जिल्ला प्रहरी कार्यालय भोजपुरले जनाएको छ ।

खुकुरी प्रहारबाट घाइते भएकी तामाङको टाउकोमा चार वटा टाँका लगाइएको छ भने अहिले घाइते उनको स्वास्थ्य अवस्था सामान्य रहेको बताइएको छ ।

खुकुरी प्रहार गर्ने व्यक्तिको खोजी भइरहेको प्रहरीले जनाएको छ ।