श्रीमतीको विभत्स हत्या गर्ने श्रीमान समातिए
श्रीमतीको विभत्स हत्या गरेको अभियोगमा श्रीमान पक्राउ परेका छन् । कञ्चन गाउँपालिका–१, डेलर बस्ने ३३ वर्षीय यमबहादुर थापालाई हिजो प्रहरीले पक्राउ गरेको हो । उनले आफ्नै श्रीमती ३१ वर्षीया साबित्री थापा क्षेत्रीको विभत्स हत्या गरेको प्रहरीले जनाएको छ ।
थापाले मादक पदार्थ सेवन गरी सुतेको र राति उठेर दराजमा पैसा गन्दा आफूले राख्न दिएको रकम एक हजार कम भेटिएपछि उनले श्रीमतीको हत्या गरेका थिए । आफूसँग नसोधी पैसा झिकेको भन्दै कुटपिट गर्ने क्रममा खाटको खुट्टा र भित्तामा टाउको ठोकाई श्रीमतीको हत्या गरेको प्रहरी अनुसन्धानबाट खुलेको हो ।
थापाविरुद्द ज्यान सम्बन्धी कसूर मुद्दामा म्याद थप गरी आवश्यक अनुसन्धान भइरेहेको प्रहरीले बताएको छ ।
टिप्पणीहरू