सुन र आइफोन बोक्न गएकाहरु एअरपोर्टमै समातिए

अवैध सुन ल्याएको आरोपमा दुबईबाट काठमाडौँ आएका एकसहित चार जना समातिएका छन् । हिजो फ्लाई दुबईको उडानबाट काठमाडौं आइपुगेका व्यक्ति र उनलाई लिन गएका अरु तीन जनालाई त्रिभुवन अन्तर्राष्ट्रिय विमानस्थलबाट प्रहरीले पक्रेको हो ।

पक्राउ पर्नेमा दाङका २६ वर्षीय शिखरकुमार उपाध्याय, मकवानपुरका ४६ वर्षीय बुद्धिबहादुर थिङ, रामेछापका २० वर्षीय नारायण थापा मगर र रामेछापका ३२ वर्षीय राजकुमार योञ्जन तामाङ हुन् ।

उनीहरुको साथबाट लुकाएर ल्याइएको करिब ४९ ग्रामको दुई वटा सुनको बेरुवा औंठी र एउटा आईफोन–१३ बरामद गरिएको छ । प्रहरीका अनुसार अन्य तीन जना भने विमानस्थलमा औंठी र मोबाइल लिन जाँदा समातिएका हुन् ।