शिकारी गया बन्दुकसहित समातिए

बाँकेमा भरुवा बन्दुक र शिकार खेल्न प्रयोग गरिने जालसहित एकजना समातिएका छन् । पक्राउ पर्नेमा राप्तीसोनारी गाउँपालिका–१ का ४० वर्षीय गयाप्रसाद थारु हुन् ।

१५ जनाको समूह सोही ठाउँको सिक सामुदायिक वनमा शिकार खेलिरहेको अवस्थामा गयाप्रसाद १ नाल भरुवा बन्दुक र शिकार खेल्न प्रयोग गरिने जालसहित पक्राउ परेको जिल्ला प्रहरी कार्यालय बाँकेले जनाएको छ ।

प्रहरी देखेपछि अन्य १४ जना भागेको बताइन्छ । उनीहरु अझै फरार रहेकाले खोजी कार्य भइरहेको प्रहरीले बताएको छ । थारुलाई भने नियन्त्रणमा लिएर थप अनुसन्धान गरिएको छ ।