दुबईबाट फर्केका मुस्लिम आयोगका अध्यक्ष सिमरा पुगे

नियमित रुपमा दुबई आउजाउ गर्दै आएका मुस्लिम आयोगका अध्यक्ष समीम मियाँ अन्सारी आज सिमरा गएका छन् । उनी हिजो बिहान दुबईबाट काठमाडौं आएका थिए । आज साँझ सवा ७ बजे बुद्ध एअरको उडानमा अन्सारी सिमरा गएको आयोग स्रोतले जनाएको छ ।

आजै साँझ राजधानीबाट पूर्वमन्त्री डिल्लीबहादुर चौधरी नेपालगञ्ज पुगेका छन् । चौधरी पनि बुद्ध एअरको उडानमा त्यता गएका हुन् । मधेश प्रदेशका मुख्यमन्त्री सरोज यादव भने आज बेलुकी बुद्ध एअरको उडानमा काठमाडौं आएका छन् ।

बिहान चितवन गएका काँग्रेस नेता तथा सभासद् डा. सशांक कोइराला आज साँझ भरतपुरबाट बुद्ध एअरको उडानमा काठमाडौं फिर्ता भएको बताइएको छ । माओवादी नेता तथा पूर्वमन्त्री देवेन्द्र पौडेल साँझ बुद्ध एअरको उडानमा भैरहवा र कोशी प्रदेशका पूर्वमुख्यमन्त्री राजेन्द्र राई साँझ साढे ६ बजे बुद्ध एअरको उडानमा विराटनगर गएका हुन् ।

उता पोखराबाट श्री एअरलाइन्सको उडानमा अख्तियार दुरुपयोग अनुसन्धान आयोगका आयुक्त जयबहादुर चन्द साढे ६ बजे काठमाडौंमा र कोशी प्रदेश प्रमुख परशुरामा खापुङको साँझ साढे ५ बजे विराटनगरबाट सौर्य एअरलाइन्सको उडानमा काठमाडौं आगमन भएको हो ।