राष्ट्रिय सभा अध्यक्षसँग डब्लुएचओ क्षेत्रीय निर्देशकले गरिन् कुराकानी

राष्ट्रिय सभाका अध्यक्ष गणेशप्रसाद तिमिल्सिनासँग विश्व स्वास्थ्य संगठनकी क्षेत्रीय निर्देशक पुनम खेत्रपाल सिंहले आज भेटवार्ता गरेकी छन् । नेपाल भ्रमणमा रहेकी पुनमले अध्यक्ष तिमिल्सिनासँग बिहान ११ बजेको समयमा झण्डै एक घण्टा कुराकानी गरेको बताइएको छ ।

अध्यक्ष तिमिल्सिना र सिंहबीच सिंहदरबारस्थित संघीय संसद सचिवालयमा भेटवार्ता भएको हो । भेटमा विशेषगरी जनस्वास्थ्य र महामारी निदानलगायत विषयमा कुराकानी भएको संसद सचिवालय स्रोतले जानकारी दिएको छ ।