थपिए ४२ जना कोरोना संक्रमित

नेपालमा पुनः कोरोना संक्रमण देखिन थालेको छ । पछिल्लो २४ घण्टामा ४२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । 

यसबीचमा तीन सय जनामा गरिएको पीसीआर र छ सय १५ जनामा गरिएको एन्टिजेन परीक्षणमा उक्त संख्यामा संक्रमित फेला परेका हुन् ।  हालसम्म एक सय २३ जना सक्रिय संक्रमित रहेको मन्त्रालयले जानकारी दिएको छ । यो अवधिमा १७ जना संक्रमणमुक्त भएका छन् ।