आरजू राणाका आमाछोरी दिल्लीमा उपचार गराएर घर फिर्ता

काँग्रेस नेतृ,समानुपातिक सांसद तथा सभापति शेरबहादुर देउवाकी पत्नी डा.आरजू राणा देउवा नयाँ दिल्लीबाट काठमाडौं आएकी छन् । उनी नेपाल एअरलाइन्सको उडान नम्बर आरए २१८ मा आज बेलुकी स्वदेश फर्केकी हुन्  ।

आमा तथा जापानका लागि पूर्व राजदूत एवम् राप्रपा नेतृ प्रतिभा राणा पनि काठमाडौं आएकी छन् । यसपटक आमाको स्वास्थ्य परीक्षणको निम्ति नयाँ दिल्ली गएको बताइए पनि उनीमाथि काँग्रेसको आन्तरिक राजनीतिमा हस्तक्षेप र त्यसनिम्ति भारत आउजाउ गर्ने गरेको आरोप छ ।

गत साउनमा आफ्नै उपचारको निम्ति नयाँ दिल्ली गएकी राणाको पछिल्लो पटक शेरबहादुर देउवा प्रधानमन्त्री भएपछि भारतीय राजनीतिमा संस्थापन पक्ष बिजेपीका नेताहरुसँग निकट सम्बन्ध रहन थालेको छ । राणा आमासहित गत १३ गते नयाँदिल्ली गएकी हुन् ।