दुबई गएका बिनोद चौधरी हिसाब मिलाएर सोझै दिल्ली
डलर अर्बपति तथा सांसद विनोद चौधरी नयाँ दिल्लीबाट काठमाडौं आएका छन् । उनी आज दिउँसो १ बजे नेपाल वायुसेवा निगमको उडान नम्बर आरए २०६ मा आएका हुन् ।
चौधरी गत शुक्रवार बिहान फ्लाई दुबईको उडान नम्बर एफजेड ११३४ मा दुबई गएका थिए । गत सातादेखि फोर्ब्स पत्रिकाले उनलाई विश्वका डलर अर्बपतिको सूचीमध्ये १६४७ नम्बरमा राखिदिएपछि रियल इस्टेटको हिसाब हेर्न दुबई गएका हुन् ।
यो साता उनको सम्पत्ति १ अर्ब ८० करोड अमेरिकी डलर हाराहारी रहेको सोही पत्रिकाको अनलाइन संस्करणले रियल टाइम एसेस्ट्समा उल्लेख गरेको छ ।
एनआरएनको ‘विशेष’ हैसियत बनाएर बाहिरको कमाई र यताको आम्दानी व्यवस्थापन गर्न एउटा छोरालाई उनले ढुक्कैसँग त्यहाँ खटाएका छन् । अर्का छोरा नयाँ दिल्लीमा त्यसैको लागि बस्छन् । यता,काठमाडौंमा जेठो छोराले समिट अपार्टमेन्टको लफडा पर्दा महानगरपालिकामा रुन जानेलगायत यावत चाँजोपाँजो मिलाउँछन् ।
ट्रेन्डिङ पोस्ट
टिप्पणीहरू