को हुन् राकेश अडुकिया ? किन मोबाइल बन्द गरेर भागे उनका बाबु छोरा ?
राजश्व अनुसन्धान विभागले विवादास्पद व्यवसायी राकेश अडुकिया पछिल्लो सुनकाण्डमा सँलग्न रहेको बलियो प्रमाण जुटाएको छ । यसअगावै उनका बाबुछोरा मोबाइल बन्द गरेर नेपालबाट फरार भएका छन् ।
जनआस्था साप्ताहिकले हिजै बिहान ‘सुन ल्याउने साहुजीको पाइनै लाग्यो सुराक’ शीर्षकमा निजको तस्विरसहित समाचार प्रकाशन गरेको थियो ।अडुकियाले पछिल्लो छ महिनामा गरेको हङकङ, दुबई,नयाँ दिल्ली र बैंककतिरको शंकास्पद यात्रा विवरण पनि हिजैको जनआस्था डट कममा प्रकाशित छ ।
४८ वर्षे राकेश सन् १९७५ को अगष्ट ९ का दिन काठमाण्डौंमा जन्मिएका थिए । उनले भारतीय नागरिकको हैसियतमा हङकङस्थित भारतीय महावाणिज्यदूतावासबाट उतैको नागरिकता र पासपोर्ट जारी गराएका छन् ।
उनले जेड ५०९७७३९ नम्बरको भारतीय राहदानी बोकेका छन् । हङकङमा उनको पारिवारिक लगानी रहेको रोयल सिल्भर हङ्गकङ्ग लिमिटेड’ छ ।
यता गोरखा विकास बैंकमा डुबेको रकम उठाएका राकेशले अरबौँ रकम आफू र परिवारको नाममा शेयरमा लगानी गरेका छन् । श्रीमती रुची अडुकिया (जाजोदिया) जेड ३०८५०३७ नम्बरको भारतीय राहदानी बोक्छिन् । उनको नाममा नेपाल रेमिटेन्स प्रा. लि.र टेस्ला गाडीको नेपालका निम्ति आधिकारिक शोरुम र लक्ष्मी बैंकको शेयरलगायत देखिन्छ ।
उनै कार्यकारी निर्देशकको सामिप्यताका कारण राकेशले एमाले वरिष्ठ नेताहरुसँग पनि पछिल्लो समय उत्तिकै घनिष्ट सम्बन्ध राख्दै आएका थिए ।
ट्रेन्डिङ पोस्ट
टिप्पणीहरू