बुद्धको विमान पोखराको आकाशबाटै राजधानी फिर्ता

कामाडौंबाट पोखरा गएको बुद्ध एअरको विमान आज साँझ पोखराको आकाशबाटै फर्केर काठमाडौंमा अवतरण भएको छ । साँझ पौने ७ बजे पोखरा उडेको विमान पौने ८ बजे काठमाडौंमा अवतरण गरेको बताइएको छ ।

७२ जना यात्रु र चार जना चालक दलका सदस्य बोकेर पोखरा गएको बुध्द एयरको उडान नम्बर बीएचए ६१९ विमान खराब मौसमका कारण अवतरण हुन नसकेको जानकारी दिइएको छ ।  त्यसपछि पोखरा विमानस्थल बन्द गरेकाले काठमाडौंबाट उड्न ठिक्क परेको बीएचए ६६३ उडानका यात्रुलाई घर फर्काइएको हो ।