अनलाइन श्रम स्वीकृति अनिश्चितकालका लागि अवरुद्ध

वैदेशिक रोजगार विभागले आजदेखि अनलाइनमार्फत श्रम स्वीकृतिका लागि आवेदन दिने प्रक्रिया अवरुद्ध भएको जनाएको छ । 

‘फोरेन इम्प्लोइमेण्ट इन्फरमेशन म्यानेजमेण्ट सिस्टम’ को फाइल सर्भर माइग्रेट गर्नुपर्ने भएकाले उक्त सेवा केही समयका लागि अवरुद्ध भएको विभागले जानकारी दिएको छ । 

आज पाँच बजेदेखि अर्को सूचना जारी नभएसम्म उक्त प्रणालीमा फाइल अपलोड गर्न नसकिने विभागद्धारा जारी सूचनामा उल्लेख छ । 

भनिएको छ,‘आज मिति २०८०–४–२३ मंगलबार बेलुका पाँच बजेदेखि यस विभागमा सञ्चालनमा रहेको एफइआईएमएस प्रणालीको फाइल सर्भर माइग्रेट गर्नुपर्ने अत्यन्त जरुरी रहेकोले अर्को सूचना प्रकाशित नभएसम्म एफइआईएमएस प्रणालीमा फाइलहरु अपलोड गर्न नसकिने जानकारी गराउदछौं ।’