जिल्लाको फैसलाविरुद्ध उच्च अदालत पुगे सन्दिप

जबर्जस्ती करणी अभियोगमा दोषी ठहर गर्ने जिल्ला अदालत काठमाडौँको फैसला बदरको माग गर्दै क्रिकेटर सन्दिप लामिछानेले उच्च अदालतमा पुनरावेदन गरेका छन् । 

आज आफ्ना वकिल सरोजकृष्ण घिमिरेसहित उच्च अदालत पाटन पुगेर उनले पुनरावेदन दिएका हुन् । 

गत पुस १३ गते जिल्ला अदालतका न्यायाधीश शिशिरराज ढकालको इजलाशले सन्दिपलाई बलात्कार मुद्धामा दोषी ठहर गरेको थियो । पुस २५ गते अदालतले उनलाई ८ वर्षको जेल सजाय र ३ लाख जरिवानाको फैसला गरेको थियो ।