शुरू भयाे प्रकाश दाहाल स्मृति बक्सिङ प्रतियोगिता

प्रधानमन्त्री पुष्पकमल दाहाल प्रचण्डले ‘प्रकाश दाहाल स्मृति चौथो महिला तथा पुरूष खुला राष्ट्रिय बक्सिङ प्रतियोगिता’ को उद्घाटन गर्नुभएको छ । 

प्रकाश दाहाल फाउन्डेसन र बक्सिङ महासंघको संयुक्त आयोजनामा आजदेखि त्रिपुरेश्वरस्थित दशरथ रङ्गशालामा शुरु भएको प्रतियोगितामा मुलुकभरका २५० जनाको सहभागिता रहने आयोजकले जनाएको छ । 

प्रतियोगिताको उद्घाटन समारोहलाई सम्बोधन गर्दै प्रधानमन्त्री प्रचण्डले दिवंगत प्रकाश दाहालको जन्मजयन्तीको अवसरमा सुरु गरिएको प्रतियोगितामा युवाहरूको उपस्थितिले प्रकाश युवामाझ लोकप्रिय रहेको आफूले महशुस गरेको बताउनुभयो ।

उहाँले प्रतियोगिताको सफलताको शुभकामना व्यक्त गर्दै यो प्रतियोगिताले बक्सिङ खेलमा थप योगदान पुर्याउने विश्वास व्यक्त गर्नुभएको छ । 

आजदेखि शुरु प्रतियोगिता आगामी शुक्रबारसम्म सञ्चालन हुने बताइएको छ ।